ಮರೆಯಲಾಗದ ಆ ಜೀವ........

ಕೆಲವು ಸನ್ನಿವೇಶಗಳು, ಕೆಲವು ವ್ಯಕ್ತಿಗಳು ಕೆಲವರ  ಮನಸ್ಸಿನಲ್ಲಿ ಅಳಿಸಲಾಗದೆ ಉಳಿದು ಬಿಡುವಂತಹ ಅನೇಕ  ವಿಷಯಗಳನ್ನು ಎಲ್ರೂ ಕೆಳಿರ್ತಾರೆ ಜೊತೆಗೆ ತಮ್ಮ ಜೀವನದಲ್ಲಿಯೂ ಸಹ ಅನೇಕರಿಗೆ ಇಂತಹ ಅನೇಕ ವಿಷಯಗಳು ಅನುಭವಕ್ಕೆ ಬಂದಿರಬಹುದು, ನಮ್ಮ ಮನಸ್ಸಿಗೆ ತುಂಬಾ ಬೇಜಾರ್ ಆದಾಗ , ನೋವಾದಾಗ ಅಂತಹ ಸನ್ನಿವೇಶಗಳನ್ನ ನೆನೆಪಿಸಿಕೊಂಡರೆ ಸ್ವಲ್ಪ ನೆಮ್ಮದಿ ದೊರಕುವುದಂತೂ ಕಂಡಿತ..... ಇದೇ ರೀತಿ ನಮ್ಮ ನೋವು ನಲಿವುಗಳನ್ನ ಹಂಚಿಕೊಳ್ಳೋಕೆ ನಮ್ಮ ಮನಸ್ಸಿನಲ್ಲಿ ಶಾಶ್ವತವಾಗಿ ಉಳಿದುಕೊಳ್ಳುವ ಆ ಜೀವ ನಿಜಕ್ಕೂ ಆದ್ಭುತ .....

ನಾವೂ ಸಹ ಇನ್ನೊಬ್ಬರ ಜೀವನದಲ್ಲಿ ಇಂತಹ ಸ್ಥಾನ ಗಳಿಸುವುದು ಬಹು ದೊಡ್ಡ ಮಾತೇನಲ್ಲ .... ನಮ್ಮ ಆಚಾರ ವಿಚಾರ ಗಳು , ನಮ್ಮ ಜೀವನ ಶೈಲಿ ಅವರ ಮೇಲೆ ತುಂಬಾ ಪ್ರಭಾವ ಬೀರುವಂತಿರಬೇಕು....

 ನನ್ನ ಜೀವನದಲ್ಲಿ ನಾ ಕಂಡ ಅಂತಹ ಒಬ್ಬ ಆದ್ಭುತ ವ್ಯಕ್ತಿಯ ಬಗ್ಗೆ ಈ ನನ್ನ ಮಾತು....
 ತಾಯಿ ತನ್ನ ಮಗುವಿಗೆ ಜನ್ಮ ನೀಡಿದ ಸಂಧರ್ಬದಲ್ಲಿ , ಆ ಪುಟ್ಟ ಕಂದನ ಅಳು ಆಕೆಯ ಮನದಲ್ಲಿ ಅದೆಷ್ಟು ಸಂತೋಷದ ಅಲೆಯನ್ನು ಹುಟ್ಟಿಸುತ್ತದೆಂದರೆ ಅದಕ್ಕೆ ಮಿತಿಯೇ ಇಲ್ಲ , ಬಂಧು ಬಳಗದವರ ಸಂತಸ ಹೇಳಕೂಡದು .... ಇಪ್ಪತ್ತು ವರ್ಷಗಳ ಹಿಂದೆ ನಡೆದ ಇಂತಹದ್ದೇ ಒಂದು ಸಂದರ್ಬವನ್ನು ಆಕೆ ದಿನದಲ್ಲಿ ಒಮ್ಮೆಯಾದರೂ ನೆನೆಸದೆ ಕಳೆದ ದಿನಗಳೇ ಇಲ್ಲ , ಆ ಜನ್ಮ ದಿನದಿಂದ ಆ ಜೀವದ ಕಡೆಯ ದಿನಗಳ ವರೆಗೂ ನಡೆದ ಗಟನೆಗಳು, ಪಟ್ಟ ಕಷ್ಟಗಳು, ಹಂಚಿಕೊಂಡ ಸಂತೋಷ ಇವೆಲ್ಲವನ್ನೂ ಮರೆಯುವುದು ಈ ಜನ್ಮದಲ್ಲಿ ಅಸಾದ್ಯ ...
ಆಕೆಯ ಐವತ್ತು ವರ್ಷಗಳ ಜೀವನದಲ್ಲಿ ನಾ ಕಂಡ ಕೇವಲ ಹತ್ತೊಂಬತ್ತು  ವರ್ಷಗಳು ನನ್ನ ಜೀವನದ ಮರೆಯಲಾಗದ ಮಹಾ ವರ್ಷಗಳು...
 ಆಕೆಯ ಬಗ್ಗೆ ಹೇಳುವುದಾದರೆ ವಿಷಯಗಳು ಅನೇಕ...ಪರರ ಸಂತೋಷಕ್ಕೆ ಕಾರಣರಾಗಿ,ನೆರೆಹೊರೆಯವರ ಕಷ್ಟಗಳಿಗೆ ಕಣ್ಣೀರಿಟ್ಟು ಸಹಕರಿಸಿ, ಪರರಿಗೆ ಸಹಾಯ ಮಾಡುವುದರಲ್ಲೇ ತನ್ನ ಜೀವನದ ಅತಿ ಹೆಚ್ಹಿನ ಕ್ಷಣಗಳನ್ನು ಕಳೆಯುತ್ತಿದ್ದ ಆ ಜೀವಕ್ಕೆ ನನ್ನ ಮೇಲಿನ ಪ್ರೀತಿ , ಮಮತೆ ಅಪಾರ. ಮುಂದಿನ ಜೀವನದ ಬಗ್ಗೆ ಅದೆಷ್ಟೋ ಕನಸುಗಳನ್ನು ಹೊಂದಿದ್ದ ನನ್ನ ಪ್ರೀತಿಯ ಆ ಜೀವ ತನ್ನ ಕನಸುಗಳ ಜೊತೆಯಲ್ಲೇ ಮರೆಯಾದ  ಆ ಸಂದರ್ಭ(14/08/2010) ನನ್ನ ಜೀವನದ ಮರೆಯಲಾಗದ ಬಹು ದೊಡ್ಡ ಕಹಿಘಟನೆ...
 ನನ್ನ ಜೀವನದ ಯಾವುದೇ ಸಂತೋಷದ ಸಂದರ್ಭದಲ್ಲಿ ನನಗಿಂತ ಮೊದಲು ಅತೀ ಹೆಚ್ಚು ಸಂತಸ ಪಡುತ್ತಿದ್ದ ನನ್ನ ಜೀವವೇ ಇಲ್ಲದ ಈ ನನ್ನ ಜೀವನ ನೀರಿಲ್ಲದ ಬರಡು ಭೂಮಿಯಂತೆ, ಜೀವನದಲ್ಲಿ ಕೆಲವು ದುಃಖದ ಸಂದರ್ಬದಲ್ಲಿ ಖುಷಿಯಿಂದ ಇರುವಂತೆ ನಟಿಸುವುದಕ್ಕಿಂತ,ನಮ್ಮ ಸಂತಸದ ಸಂಧರ್ಬ ಗಳನ್ನು ನಮ್ಮ ನೆಚ್ಚಿನವರೊಂದಿಗೆ ಹಂಚಿಕೊಳ್ಳಲಾಗದೇ ಇರುವಂತ ಸಂಧರ್ಬ ಅತ್ಯಂತ ಕಷ್ಟಕರ . ಇಂತಹ ಒಬ್ಬ ಆದ್ಭುತ ವ್ಯಕ್ತಿಯನ್ನು ನನ್ನ ಈ ಪುಟ್ಟ ಜೀವನದಿಂದ ಇಷ್ಟು ಬೇಗ
ಕಳೆದು ಕೊಂಡ ನತದೃಷ್ಟ  ನಾನು. ನನ್ನ ಪ್ರೀತಿಯ ಜೀವದ ನೆನೆಪಿನಲ್ಲೇ , ಅವರ ಮಾರ್ಗದರ್ಶನದಲ್ಲೇ,ಬೇರೆಯವರಿಂದ ಪ್ರತಿಯಾಗಿ ಏನನ್ನೂ ಬಯಸದೇ ಅವರ ಜೀವನ ಶೈಲಿಯಂತೆ ಪರರ ಸಂತೋಷಕ್ಕೆ ಕಾರಣನಾಗುತ್ತ ನನ್ನ ಜೀವನವನ್ನು ಕಳೆಯಬೇಕೆಂಬುದು ನನ್ನ

ಜೀವನದ ಅತೀ ದೊಡ್ಡ ಆಸೆ..........