Sunday 15 January 2012

ಕಳೆದು ಹೋದ ಗೆಳ(ತಿಯ)ತನದ ನೆನಪಲ್ಲಿ ................





 ಸ್ನೇಹ ಅತ್ಯಂತ ಅಮೂಲ್ಯವಾದ ಸಂಭಂದ ಆಲ್ವಾ??? ಪ್ರೀತಿ ಸ್ನೇಹ ಸಂಭಂದಗಳು ಹೇಗೆ ಹುಟ್ಟುತ್ತೋ,ಹೇಗೆ ಸಾಯುತ್ತೋ ಗೊತ್ತಾಗೋದೆ ಇಲ್ಲ ..... ಇಂತಹ ಸಂಭಂದಗಳನ್ನ ಕೊನೆಯವರೆಗೂ ಉಳಿಸುಕೊಂಡು ಹೋಗೋದೇ ಒಂದು ದೊಡ್ಡ ಸಾಧನೆ ಅಂತ ಹೇಳ್ಬೋದು .... ಎಲ್ಲರ ಜೀವನದಲ್ಲೂ  ಇಂತಹ ಅಮೂಲ್ಯ ಸಂಭಂದಗಳು ಸೃಷ್ಟಿಯಾಗುವುದು ಬಹಳ ವಿರಳ .... ಹೇಗೋ ಹುಟ್ಟಿಕೊಂಡಂತಹ ಇಂತಹ ಸಂಭದಗಳು ಬಹು ಬೇಗ ಅಸ್ತಿತ್ವ ಕಳೆದುಕೊಳೋದಕ್ಕೆ ಬಲವಾದ ಕಾರಣಗಳೇ ಬೇಕಾಗುತ್ತೆ... ಆದರೆ ಕಾರಣವಿಲ್ಲದೆ ಈ ಸಂಭಂದಗಳು ನಶಿಸಿದಾಗ ಆಗುವ ನೋವುಗಳ ಜೊತೆಗೆ ಮುಂದಿನ ಜೀವನ ನಡೆಸುವುದು ಸಾಧ್ಯನಾ....?????
  ಹಳೆಯ ಗೆಳೆಯ/ಗೆಳತಿ ಯೊಂದಿಗೆ ಕಳೆದ ಸಂತಸದ ದಿನಗಳ ನೆನಪಲ್ಲಿ ಬದುಕುವುದು ಹೇಗೆ ಅನ್ನೋದು ಇವಾಗ ಅನುಭವಕ್ಕೆ ಬರ್ತಾ ಇದೆ ......  ನೀನು ನನ್ನ ಲೈಫ್ ನಲ್ಲಿ ಬಂದಿದ್ದೆ ಆಶ್ಚರ್ಯ ,ಆದ್ರೆ ಇಷ್ಟೊಂದು ಬೇಗ ನಾನು ನಿನಗೆ ಬೇಡ ಆಗ್ತೀನಿ ಅನ್ನೋದೆ ಗೊತ್ತಿರ್ಲಿಲ್ಲ .... ಒಂದುವೇಳೆ ಈ ವಿಷಯ ಮೊದಲೇ ಗೊತ್ತಿದ್ರೆ ನಿನ್ ಲೈಫ್ ನಲ್ಲಿ ನಾನು ಬರ್ತಾನೆ ಇರ್ಲಿಲ್ಲ ... ಹಾಯಾಗಿದ್ದ ಜೀವನದಲ್ಲಿ ಇಷ್ಟೊಂದು ನೋವಿನ ನೆನಪುಗಳನ್ನು ಬಿಟ್ಟು ಮರೆಯಾಗಿ ಹೋದೆ.... ನನ್ನಿಂದ ದೂರ ಹೋಗೋದಕ್ಕೆ ಕಾರಣವಾದರು ಹೇಳಿ ಹೋಗಬಾರದಿತ್ತೆ....???
 ನಿನ್ನ ನೆನಪುಗಳ ಜೊತೆ ನನ್ನ ಬಳಿ ಉಳಿದಿರುವುದು ಕೇವಲ ಉತ್ತರ ಸಿಗದ ಪ್ರಶ್ನೆಗಳು..... ಸಂಭಂದದ ಕೊಂಡಿ ಕಳಚಿದ ಕಾರಣವಾದರು ತಿಳಿಸಿ ಹೋಗಬಹುದಿತ್ತಲ್ವಾ.....
 ಕೇವಲ ಅತೀ ಕಡಿಮೆ ಅವದಿಯಲ್ಲಿ ನನ್ನ ನಿನ್ನ ಸ್ನೇಹ ಪ್ರಾರಂಭ ಆಗಿದ್ದು. ನಮ್ಮ ಮೊದಲ ದಿನಗಳು ಅದೆಷ್ಟು ಮಧುರ.... ನೀನು ನನ್ನ ಜೊತೆ ಕಳೆದ ದಿನಗಳು,ಹಂಚಿಕೊಂಡ ಭಾವನೆಗಳು ನಾ ಹೇಗೆ ಮರೆಯಲಿ...?? ಸಣ್ಣ ಮಗುವಿನಂತಿದ್ದ ನಿನ್ನ ಮನಸ್ಸು ಇಷ್ಟೊಂದು ಕ್ರೂರೀನಾ...??
 ನಿನಗಾಗಿ ಕಳೆದ ಆ ದಿನಗಳು ಈಗ ವ್ಯರ್ಥ ಅನ್ನಿಸುತ್ತಿದೆ..  ಸಂಭಂದ ಅರ್ಥವೇ ಗೊತ್ತಿಲ್ವಾ ನಿನಗೆ..?? ನಿನ್ನ ಜೀವನದ ಕೊನೆಯ ಉಸಿರಿನ ವರೆಗೂ ನನ್ನ ಸ್ನೇಹವನ್ನು ಉಳಿಸಿಕೊಳ್ತಿನಿ ಅಂತ ಹೇಳಿದ್ದು ಬರೀ ಸುಳ್ಳು ಅಲ್ವಾ...??
 " ಏ ದೋಸ್ತಿ ಹಮ್ ನಹೀ ಚೋಡೆಂಗೆ  ..."  ಸಾಂಗ್ ಇಷ್ಟ ಅಂತ ಹೇಳಿದ್ದೆ,, ಆದ್ರೆ ಇದರ ಅರ್ಥವೇ ನಿನಗೆ ತಿಳಿದಿಲ್ಲ ಅಂತ ಈಗ ಅನ್ನಿಸ್ತಾ ಇದೆ... ನನ್ನ ಎಲ್ಲ ಗೆಳೆಯ ಗೆಳತಿಯರಿಗಿಂತ ನೀನು ಅದೆಷ್ಟೋ ಭಿನ್ನ ... ನಿನ್ನ ಜೊತೆಗೆ ಕಳೆದಿದ್ದು ಕೇವಲ ಎರಡು ವರ್ಷಗಳು... ಕೇವಲ ಈ ಎರಡು ವರ್ಷಗಳಲ್ಲಿ ನನ್ನಲ್ಲಿ ನೀನು ತಂದ  ಅನೇಕ ಬದಲಾವಣೆಗಳು , ನನ್ನ ನೊಂದ ಮನಸ್ಸಿಗೆ ನೀನು ಕೊಟ್ಟ ಸಮಾಧಾನ,ಧೈರ್ಯ,ನನ್ನಲ್ಲಿ ಮೂಡಿಸಿದ ಆಶಾಭಾವನೆ, ಸಂತೋಷ  ಅದೆಷ್ಟೋ.... 
 ಆದರೆ ಈಗ ಅದೆಲ್ಲಕ್ಕಿಂತ ದೊಡ್ಡ ನೋವಿಗೆ ನೀನೆ ಕಾರಣಲಾದೆ.. 
ನಿನ್ನ ಜೀವನ ನಿನ್ನ ಇಷ್ಟದಂತೆ ಇರಬೇಕು , ಬೇರೆಯವರು ನಿನ್ನ ಜೀವನವನ್ನು ನಿಯಂತ್ರಿಸಬಾರದು.. ಈ ಪ್ರಪಂಚದಲ್ಲಿ ಪರರ ಜೀವನದ ಬಗ್ಗೆ ಮಾತಾಡೋದಕ್ಕೆ ಎಲ್ರಿಗೂ ಬರುತ್ತೆ ಆದರೆ ಅವರ ಜೀವನದ ಬಗ್ಗೆ ಹೊರತು ಪಡಿಸಿ...ನಮಗೆ ಅನ್ನಿಸಿದ್ದನ್ನು ನಾವು ಮಾಡೋದನ್ನ ಕಲಿಬೇಕು.. ನಾವು ಏನೇ ಮಾಡಿದ್ರು ಅದರ ಬಗ್ಗೆ ಜನರು ಏನಾದ್ರು ಹೇಳೋದಕ್ಕೆ ಕಾಯ್ತಾ ಇರ್ತಾರೆ.. ಯಾರದ್ದೋ ಮಾತನ್ನು ಕೇಳಿ ನನ್ನ ಸ್ನೇಹವನ್ನೇ ದಿಕ್ಕರಿಸಿ ಹೋಗಿರುವೆ.. ಹೋಗುವುದಕ್ಕೂ ಮುನ್ನ ಒಮ್ಮೆ ಯೋಚಿಸಬಹುದಿತ್ತು.....
 ನಿನ್ನ ಜೊತೆ ನಾನು ಕಳೆಯಬೇಕೆಂದಿದ್ದ ಸಾವಿರಾರು ಆಸೆ ಆಕಾಂಕ್ಷೆಗಳು ನುಚ್ಚು ನೂರಾದಂತಿದೆ . ನಿನ್ನ ಜೊತೆ  ಕ್ಯಾಂಪಸ್ ನಲ್ಲಿ  ಸುತ್ತಬೇಕು, ನಿನ್ ಜೊತೆ  ಸಭೆ ಸಮಾರಂಭಗಳಲ್ಲಿ ಭಾಗವಹಿಸಬೇಕು , ನಿನ್ ಜೊತೆ ಮೂವಿ ನೋಡ್ಬೇಕು , ನನ್ನ ನಿನ್ನ ಜನುಮದಿನದ ಸಂತೋಷ ಗಳನ್ನೂ ಜೊತೆಯಲ್ಲೇ ಆಚರಿಸ ಬೇಕೆಂದಿದ್ದೆ ..... ಆದರೆ ಈ ಮೇಲಿನ  ಯಾವುದೇ ವಿಷಯಗಳಲ್ಲಿ ನಿನಗೆ ಆಸಕ್ತಿ ಇಲ್ಲ , ನಿನಗೆ  ಇದು ಯಾವುದೂ ಇಷ್ಟ ಆಗೋದಿಲ್ಲ ಅನ್ನೋದು ನನಗೆ  ಗೊತ್ತಿತ್ತು , ಯಾಕಂದ್ರೆ ನೀನು ನಮ್ಮನ್ನು ನೋಡೋ ಜನ ನಮ್  ಬಗ್ಗೆ  ಏನೇನೋ  ಮಾತಾಡ್ಕೊತಾರೆ  ಅಂತ  ಭಯ ಪಡ್ತಿದ್ದೆ , ನೀನು ಬದುಕ್ತಾ ಇರೋದೇ  ಬೇರೆಯವರ  ದೃಷ್ಟಿ ಕೋನದಲ್ಲಿ  ಆಲ್ವಾ...?? ನಿನಗೆ  ಇದರಿಂದ  ನೋವು  ಆಗಬಾರದು ಅಂತಾನೆ  ನನ್ನ ಈ ಮೇಲಿನ  ಯಾವುದೇ  ಆಸೆಗಳನ್ನು ನಿನ್  ಬಳಿ  ಹೇಳದೆ  ಸುಮ್ಮನಿದ್ದೆ .. ನಿನ್ನನ್ನು  ನಿನ್ನ  ಮನಸ್ಸನ್ನು ಇಷ್ಟು ಆಳವಾಗಿ  ಅರ್ಥ  ಮಾಡಿಕೊಂಡಿದ್ದ  ಈ ಪುಟ್ಟ ಮನಸ್ಸನ್ನೇ  ನೀನು  ಹೀಗೆ  ದಿಕ್ಕರಿಸಿ  ಹೋಗಬಹುದಿತ್ತ್ತೆ ...??  
      ನಮ್ಮನ್ನು ತುಂಬಾ ಆಳವಾಗಿ  ಅರ್ಥ  ಮಾಡ್ಕೊಂಡು , ನಮಗೆ  ನೋವಾಗದಂತೆ , ನಮ್ಮ  ಇಷ್ಟದಂತೆ  ಅವರ  ಜೀವನ  ಶೈಲಿ ಯನ್ನೇ  ನಮಗಾಗಿ  ಬದಲಾಯಿಸಿಕೊಂಡು , ನಮಗಾಗೆ  ಬದುಕನ್ನೇ  ಮುಡಿಪಾಗಿ  ಇಡೋ ಅಂತ  ವ್ಯಕ್ತಿಗಳು  ನಾವು ಹುಡುಕಿದರೂ  ಸಿಗೋದು  ತುಂಬಾ ಕಷ್ಟ. ಇದು ನಿನಗೆ ಅರ್ಥ ಆಗ್ಬೋದು ಅಂತ ಅಂದ್ಕೊಂಡಿದೀನಿ .............  ಇದಕ್ಕಿಂತ  ಜಾಸ್ತಿ ಹೇಳೋದಕ್ಕೆ ನನಗೆ ಬರೋದಿಲ್ಲ .. 
                                ಈಗಲು ಸಹ ನಿನ್ನ ಬರುವಿಕೆಯನ್ನೇ ಬಯಸುತ್ತಿರುವೆ.. ಏಕೆಂದರೆ ನಿನ್ನ ಮೊದಲಿನ ಗೆಳೆತನದ ಪ್ರಭಾವ ನನ್ನನ್ನು ಕಾಯುವಂತೆ ಮಾಡಿದೆ.. ನನ್ನ ಅರಿವಿಗೆ ಬಾರದೆ ನನ್ನಿಂದ ನಿನ್ನ ಮನಸ್ಸಿಗೆ ಏನಾದರು ನೋವಾಗಿದ್ದರೆ ಅದನ್ನು ಮನ್ನಿಸಿ ನಮ್ಮ ಸ್ನೇಹಕ್ಕೆ ಮರು ಜೀವ ಕೊಡು ... ಈ ಜೀವನದಲ್ಲ್ಲಿ ನಿಜವಾದ ಸಂಭದಗಳು ಸೃಷ್ಟಿಯಗುವುದೇ ವಿರಳ .. ನನ್ನ ನಿನ್ನ ನಡುವಿನ ಅಂತಹದ್ದೊಂದು  ಬಾಡಿ ಹೋಗಿರುವ ಅಮೂಲ್ಯವಾದ ಸಂಭದಕ್ಕೆ ಮತ್ತೆ ನೀರೆರೆದು ಜೀವ ನೀಡು.....  ನೀನಿರದ ಈ ಜೀವನ ವ್ಯರ್ಥ ಅನ್ನಿಸುತ್ತಿದೆ..... ನಿನಗಾಗಿ ನನ್ನ ಹೃದಯದ ಬಾಗಿಲು ಸದಾ ತೆರೆದಿರುತ್ತದೆ... ನೀ ಬರುವ ಹಾದಿಯನ್ನೇ ಎದುರು ನೋಡುತ್ತಿರುವೆ........... 
                                     
                       ಇಂತಿ ನಿನ್ನ ಪ್ರೀತಿಯ ಗೆಳೆಯ .......  

5 comments: